စိတ်မကောင်းလိုက်တာဗျာ…(မကူညီချင်ရင်နေပါ ဒီလိုတော့မလုပ်သင့်ပါဘူးဗျာ….)

0
26

တစ်ချို့သောစာနာစိတ်မရှိသူတွေဟာ ဆာလောင်ငတ်မွတ်သူတွေကို ပိုက်ဆံပေးပြီး အရှက်ခွဲလှောင်ပြောင်တတ်ကြပါတယ် ။ ဒီတစ်ခေါက်မှာလည်း Hassan Mohamed Hussein အမည်နဲ့ Facebook အသုံးပြုသူတစ်ယောက် အရှေ့အလယ်ပိုင်နိုင်ငံလို့ယူဆရတဲ့ နိုင်ငံတစ်ခုရဲ့လမ်းမဘေးမှာထိုင်ပြီး တောင်းရမ်းစားသောက်နေခဲ့တဲ့ ကလေးမလေးကို အမျိုးသားတစ်ယောက်က ပိုက်ဆံပေးပြီး ငရုတ်သီးအစိမ်းကိုကိုက်စားပြခိုင်းခဲ့ပါတယ် ။

Hussan ရေးသားထားတာကတော့ ဆင်းရဲသားတွေရဲ့မျက်ရည်နဲ့ အပျော်ရှာကြတဲ့လူချမ်းသာတွေရဲ့လုပ်ရပ်ဟာ အတော်လေးကိုရင်နာဖို့ကောင်းလွန်းလှပါတယ်၊ ပိုက်ဆံအနည်းငယ်ရဖို့ ငရုတ်သီးကိုကိုက်စားခဲ့တဲ့ ကလေးမရဲ့ ဝမ်းဗိုက်ဘယ်လောက်တောင် ပူလောင်နေလိမ့်မလဲ ၊ ဆင်းရဲသားကလေးတွေရဲ့ မျက်ရည်နဲ့အပျော်ရှာတဲ့ လူချမ်းသာတွေရဲ့လုပ်ရပ်က စက်ဆုပ်ဖို့ကောင်းလွန်းလှပါတယ် ” ဆိုပြီး ရေးသားထားခဲ့တာပါ။

Video ထဲမှာတော့ ကလေးငယ်ဟာ အဆိုပါအမျိုးသားကမ်းပေးလိုက်တဲ့ ငရုတ်သီးကို အားရပါးရကိုက်စားပြခဲ့ပါတယ် ။ ခဏအကြာမှာတော့ ကလေးမလေးက အတော်စပ်နေပုံရပြီး ၊ မစပ်သလိုဟန်ဆောင်နေခဲ့ပေမဲ့ မျက်ရည်တွေကတော့ ပူလောင်မှုဒဏ်ကြောင့် အဆက်မပျက်စီးကျလာခဲ့ပါတော့တယ် ။ ထို့နောက် အဆိုပါအမျိုးသားက ကလေးမလေးကို ပိုက်ဆံအနည်းငယ်ပေးလိုက်ပြီး အားရပါးရရယ်မောနေခဲ့ပါတော့တယ် ။

အဆိုပါ video လေးဟာ ကြည့်ရှုမိသူတိုင်းရဲ့ ရင်ထဲကိုအတော်လေးထိခိုက်နာကျင်စေခဲ့ပါတယ် ။ ရိုးရိုးရှင်းရှင်း ပိုက်ဆံကိုပေးကမ်းစွန့်ကျဲရင်ရပါလျက်နဲ့ ယခုလိုလှောင်ပြောင်ရယ်မောခဲ့တဲ့ အဆိုပါအမျိုးသားကို လူအတော်အများကစိတ်ဆိုးခဲ့ကြပြီး comment မှာ မျိုးစုံဝေဖန်ပေးခဲ့ပါတော့တယ် ။ ဘယ်လောက်ကြီးပဲ ချမ်းသာနေပါစေ ပိုက်ဆံဆိုတဲ့အရာက လူ့ရဲ့ဂုဏ်သိက္ခာအဆင့်အတန်းကိုတော့ ပြန်ဝယ်လို့မရဘူးဆိုတာ အဆိုပါအမျိုးသားက သဘောပေါက်သွားပြီလို့တော့ ထင်မြင်မိပါတယ် ။

LEAVE A REPLY

Please enter your comment!
Please enter your name here